Көкшетауда кеңседен компьютерлік техниканы ұрлау сәті видеоға түсіп қалды, – деп хабарлайды Polisia.kz.
Екі адам мас күйінде тұрғын үйде орналасқан кеңсеге кіріп, құны 150 мың теңге тұратын моноблокты еркін қол жеткізу арқылы ұрлап әкеткен. Екі достың қылмыстық әрекеті үйдің кіреберісінде орнатылған бейнебақылау камераларына түсіп қалған. Кейіннен криминалдық полиция қызметкерлері ұрылардың жеке басын анықтады.
Екі ақмолалықтың бұрын заңмен проблемалары болғанын айта кету керек: олардың біреуі 2014 жылы мүліктік қылмыс жасағаны үшін сотталған, екіншісі осы жылдың қыркүйегінде алаяқтық әрекеттері үшін сотталған және «бостандығын шектеуге сотталған» санаты бойынша пробация қызметте тұрған.
Ұрлық фактісін көкшетаулық тергеушілер ҚР ҚК 188-бабы 2-бөлігі (Ұрлық) бойынша сотқа дейінгі тергеп-тексерудің бірыңғай тізілімінде тіркеді.
Ұсталғандардың бірінің айтуынша, бірнеше күн бойы ер адамдар алкоголь ішкен, ал кеңсе орналасқан үйге олар кездейсоқ кірген: олар аязды күні жылынуға кірген. Бөлмеге көп күш жұмсамай кіруге болатындығын көріп, «мүмкіндікті» пайдаланып, мониторды ұрлаған. Бұдан әрі моноблокты кездейсоқ өтіп бара жатқан адамға 5 мың теңгеге сатып жіберген.
Қазіргі уақытта сотқа дейінгі тергеу жалғасып жатыр.
