Алматы полициясы «Шаңырақ» әлеуметтік үйінде концерт қойды, – деп хабарлайды Polisia.kz.
Алматы қаласы полиция департаменті ансамблінің биыл 60 жылдық мерейтойы. Қазақстанның әртүрлі қалаларындағы қойылымдардан тұратын мерейтойлық бағдарлама аясында алғашқы концерт өтті.
– Анықталғандай, «Шаңырақ» әлеуметтік қызмет көрсету орталығында көңіл бөлуді қажет ететін 271 адам тұрады. Олардың арасында жалғызбасты зейнеткерлер мен мүгедектер де бар. Оларды сүйікті әндермен, күйлермен қуантуға шешім қабылданды. Мәскеуде өткен «Толқындарда жүгіру» байқауының Гран-при иегері, SuperStar.kz реалити-шоуының төртінші маусымының финалисті, республикалық және халықаралық фестивальдің лауреаты Олег Никитин, республикалық және халықаралық байқаулардың лауреаттары Қайрат Игіліков, Жұлдыз Өскенбаева, Алдияр Ерғали, Жангелді Жомартов және тағы басқа да таланттылар орталық тұрғындарының алдында өнер көрсетті. Көрермендер өздеріне таныс шығармаларды тыңдап, ән ырғағына ықыласпен биледі. Айтпақшы, репертуар жас ерекшеліктері мен тілектерін ескере отырып таңдалды, – деді Алматы қалалық полиция департаменті бастығының орынбасары Олжас Мырзабеков.
