СҚО бойынша ҚАЖ департаментінің №48 мекемесінің базасында облыс әкімінің орынбасары Сатжан Аблалиевтің төрағалығымен үйлестіру кеңесі өтті.Жиында сотталғандарды жұмысқа орналастыру, сондай-ақ Қазақстан Республикасының қолданыстағы заңнамасына сәйкес кәсіпкерлік субъектілер мен "Еңбек-Қызылжар" РМК филиалы ұсынатын тауарлар мен жұмыстар көлемін ұлғайтуға қолдау көрсету мақсатында ҚАЖ мекемелерінде жаңа кәсіпорындарды ашу және жұмыс істеп тұрған кәсіпорындарды кеңейту мәселелері қаралды, - деп хабарлайды Polisia.kz.
Кеңеске Солтүстік Қазақстан облысы прокуратурасының екінші басқармасының бастығы Александр Трикачев, СҚО әкімдігі басқармаларының, департамент пен мекемелердің басшылары, сондай-ақ облыстың ЖК және ЖШС өкілдері қатысты.
Кездесу аясында шақырылған қонақтарға сотталғандар жасаған бұйымдар көрсетіліп, мекеменің өндірістік аумағымен таныстырылды. Қазіргі уақытта облыс мекемелерінде 16 ЖК және 5 ЖШС келесі бағыттар бойынша өз қызметін жүзеге асырады: күнбағыс майын, ат әбзелінен, ағаш және былғары бұйымдарын, металл конструкцияларын, монша бұйымдарын, голицалар мен жаңбыр жамылғыларын, жұмсақ ойыншықтарды, тротуар плиталарынан дайындау, жұмсақ жиһаз жинау, ашытылған сүт өнімдерін қайта өңдеу, арнайы техникаға қызмет көрсету және жөндеу, құрылыс қоспаларын өндіру, макулатураны қайта сұрыптау, автошеберхана, тігін өндірісі және жылыжайлар. Облыс бойынша 531 сотталған жұмысқа орналастырылған.
Кеңес барысында департамент бастығы Әділет Мұстафинов сотталғандарды жұмысқа орналастыру стратегиясын әзірлеу және олардың босатылғаннан кейін қоғамға қайта бейімделуін қамтамасыз ету мақсатында жергілікті кәсіпорындармен және ұйымдармен ынтымақтастықтың, сондай-ақ қайталанба қылмыстарды алдын алуда сотталғандарды әлеуметтік бейімдеуде психологиялық қолдаудың маңыздылығын атап өтті.
Тілек білдірген қонақтар әкімдік және СҚО бойынша ҚАЖ департаментінің өкілдерімен мекемелер аумағында жаңа өндірістер ашуға қатысты қызықтырған және проблемалық мәселелерді тікелей талқылауға мүмкіндік алды. Кеңес соңында әкім орынбасары сотталғандарды табысты оңалтуды қамтамасыз ету үшін мемлекеттік органдар, кәсіпорындар мен жұртшылық арасындағы ынтымақтастықты дамытудың маңыздылығын атап өтті. Бұл Солтүстік Қазақстан облысы мекемелерінің оңалту жүйесін дамыту бағытындағы маңызды қадам саналады.
