Ақмолалық тұрғынды танысы 2,5 млн теңгеге сан соқтырды. Күдікті ақшаны құмар ойынға ұтылып қалды, – деп хабарлайды Polisia.kz.
Ақмола полицейлері біреудің атына 2 млн теңгеден астам сомаға тауарлық несие ресімдеген күдіктіні анықтады, бұдан басқа күдікті жәбірленушінің шотынан букмекерлік кеңседегі өз шотына 500 мың теңгеден астам сомада ақша қаражатын аударды. Алаяқтықтың құрбаны болған ауыл тұрғыны Астрахан ауданының полиция бөліміне өтініш білдірді.
Ер адам айтқандай, белгілі бір танысы сенімін пайдаланып, банк қосымшасы арқылы оның атына 2 миллион теңгеден астам сомаға тауарлық несие ресімдеді, сондай-ақ шотынан 540 мың теңгені ұрлап алған. Күдікті жақын маңдағы ауылдың 23 жастағы тұрғыны болып шықты.
Алдын ала тергеу барысында күдікті тауарлық несиеге IPhone 14 маркалы бірнеше телефондарды сатып алғаны анықталды, оларды кейіннен елордалық сауда үйлерінің бірінен алып, қайта сатып алушыға сатып жіберген.
Жәбірленушінің шотынан ұрланған ақша мен телефондарды сатудан алынған ақшаны алаяқ букмекерлік кеңсенің балансына аударды, онда кездейсоқ ойын оқиғаларына ставка жасап, ұтылып қалған.
Қазіргі уақытта полиция бөлімі бұл фактіні ҚР ҚК-нің 190-бабы 2-бөлігі (Алаяқтық), ҚР ҚК-нің 188-бабы 2-бөлігі (Ұрлық) бойынша сотқа дейінгі тергеп-тексеруді бастады. Болған оқиғаның барлық жағдайлары анықталуда.
