Қызылордада пробация есебіндегі азаматтар тексерілді, - деп хабарлайды Polisia.kz.
Республика көлемінде құқық бұзушылықтардың алдын алуға бағытталған "Квадрат" жедел-профилактикалық іс-шарасы өтуде.
Іс-шара аясында Қызылорда қалалық полиция басқармасының учаскелік полиция инспекторлары мен қалалық пробация қызметінің мамандары пробация есебінде тұрған азаматтардың тұрғылықты мекенжайларын тексерді.
Тексеру барысында азаматтардың тұрғылықты жерінде болуы және пробация қызметі белгілеген міндеттерді орындауы назарға алынды.
Мұндай профилактикалық шаралар құқық бұзушылықтардың алдын алуға, есепте тұрған азаматтарға бақылау жүргізуге және олардың қоғамға бейімделуіне бағытталған.
