ШҚО-да ҚАЖД қызметкерлері балаларға ерекше мереке сыйлады, - деп хабарлайды Polisia.kz.
Балаларды қорғау күні қарсаңында Шығыс Қазақстан облысы бойынша қылмыстық-атқару жүйесі департаментінің өкілдері №18 мекеме әкімшілігімен бірлесіп, Шемонаиха ауданындағы халыққа әлеуметтік қызмет көрсету аумақтық орталығының мүгедектігі бар балалармен жұмыс бөлімшесіне барды.
Бұл кездесу жай ғана қайырымдылық шарасы емес, мейірім мен шынайылыққа толы ерекше күн болды. Қонақтар орталықтың жұмысымен танысып, тәрбиеленушілермен әңгімелесіп, №18 мекемеде жазасын өтеп жатқан сотталғандардың қолымен жасалған естелік сыйлықтарды табыстады.
Әрбір сыйлықтың ішінде еңбек, шынайы ниет және балаларға қуаныш сыйлауға деген ықылас жатыр. Ал балалардың жүзіндегі қуаныш пен шынайы эмоциялар мұндай игі істердің маңызын одан әрі арттыра түсті.
Кездесудің жылы атмосферасы ерекше қамқорлық пен қолдауды қажет ететін балаларға көңіл бөлудің қаншалықты маңызды екенін тағы бір мәрте көрсетті. Осындай шаралар қоғамдағы мейірімділік, жанашырлық және адамгершілік құндылықтарын нығайтуға ықпал етеді.
- Балаларға, әсіресе ерекше назарды қажет ететін бүлдіршіндерге қамқор болу — барша қоғамның ортақ міндеті. Мұндай кездесулер балаларға тек сыйлық қана емес, қолдау, қамқорлық пен жан жылуын сыйлайды. Ең бастысы — балалар өздерін жалғыз емес екенін сезінуі керек. Оларға әрдайым қамқорлық танытып, қуаныш сыйлауға дайын жандар бар екенін білуі маңызды, — деп атап өтті ШҚО бойынша ҚАЖД-ның ресми өкілі Салтанат Ожиканова.
Халыққа әлеуметтік қызмет көрсету аумақтық орталығының әкімшілігі ШҚО бойынша ҚАЖД қызметкерлері мен №18 мекеме әкімшілігіне көрсеткен қамқорлығы, ықыласы және балаларға сыйлаған көтеріңкі көңіл күйі үшін шынайы алғысын білдірді.
