Атырау-Дамбы тас жолында үш көлік соқтығысып, бір адам көз жұмды, – деп хабарлайды Polisia.kz.
26 қаңтар күні сағат 08:20 шамасында Атырау-Дамбы тас жолында орналасқан көлік жуу орталықтарының бірінің тұсында қала бағытынан Дамбы ауылына қарай бағыт алған Lada Priora автокөлігі жолдан тайып кетіп, жолдың қарсы бағытында келе жатқан Kia Rio және Ваз-2112 автокөліктеріне соқтығысқан.
Оқиға салдарынан Kia Rio автокөлігінің жүргізушісі мен Ваз-2112 автокөлігінің жолаушысы облыстық ауруханаға жеткізілді.
Lada Priora” автокөлігінің 46 жастағы жолаушысы оқиға орынында көз жұмды.
Қазіргі уақытта іс-құжаттар жинақталуда.
