Қызылорда облысының тұрғыны танысының телефоны арқылы заттай несие рәсімдеп алған, – деп хабарлайды Polisia.kz.
12 наурыз күні Қызылорда қалалық ПБ Ақсай полиция бөлімінің 102 жедел арнасына қала тұрғынының арызы келіп түсті. Арызданушының айтуы бойынша, 10 наурыз күні танысы ұялы телефонын сұрап, ақпараттық жүйесіне заңсыз кіріп, банк бағдарламасы арқылы 400 мың теңге көлемінде заттай несие рәсімдеп алған.
Жедел-іздестіру іс-шаралары барысында полицейлермен ұрлық жасаған облыс тұрғыны ұсталды. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.
Аталған дерек бойынша ҚР Қылмыстық кодексінің 188-бабының 2-бөлігі 4-тармағымен (Ұрлық) бойынша сотқа дейінгі тергеп-тексеру амалдары жүргізілуде.
