Елордада сотталғандармен психологиялық тренинг өткізілді, – деп хабарлайды Polisia.kz.
Жыл басында кестеге сай әзірленген бағдарламада сотталғанды босатуға психологиялық дайындау қарастырылған. Психолог сотталғанды жаңа жағдайда одан әрі өмір сүруге дайындайды, нақты қиындықтар, туыстарымен, достарымен, көршілерімен, қылмыс құрбандарымен, олардың туыстарымен қарым-қатынаста болуы мүмкін проблемалар туралы әңгімелер жүргізеді.
Елордалық колониядағы ЕЦ-166/10 мекемесінде психолог бостандыққа шығу мерзіміне кемінде алты ай қалған, оның ішінде шартты түрде мерзімінен бұрын босатылған сотталғандармен «Өзіңе деген сенімділік» тренингін өткізді.
– Бұл шарада басты мақсат – дұрыс мінез-құлық дағдыларын үйретіп, өзіңе деген сенімділіктің мәнін түсіндіру . Бұл жаттығу психокоррекциялық топтың қатысушыларына сенімділікті белгісіздік пен агрессивтіліктен ажыратуға ықпал етеді. Бұл тренингтің сотталғандардың өмірлік жағдайында көмектесетініне сенгім келеді, – деді Нұр-Сұлтан қаласының Е-166/10 мекемесінің психологы Зәуре Мусина.
– Біз басшылар ретінде сотталғандар үшін режимді бұзудың, қайталанатын қылмыстардың алдын алуға бағытталған жедел қауіпсіздік қызметіне баса назар аударамыз. Біздің мекеменің психологтары сотталғандардың мінез-құлқын түзетуге елеулі үлес қосқанын атап өткім келеді, олардың жұмысының арқасында біз сотталғандар тарапынан жазаны өтеудің белгіленген тәртібін бұзу фактілерін айтарлықтай азайтуға, сондай-ақ басқа да құқық бұзушылықтардың алдын алуға қол жеткіздік, – деп атап өтті мекеме басшысының міндетін атқарушы Нұрғали Әжіханов.
