Атырауда есірткіге қарсы ұйымдастырылған шараға екі жүзге жуық оқушы қатысты, – деп хабарлайды Polisia.kz.
Атырау облысы Полиция департаменті Есірткі қылмысына қарсы іс-қимыл басқармасының ұйымдастыруымен «Мен есірткісіз өмірді таңдаймын» атты іс-шара өтті. Шараға нарколог маманы Самғат Каюпов және Қызыл-Ай қоғамдық бірлестігінің басшысы Әсия Кульжанова және тамашалауға 200-ге жуық оқушы мен ата-аналар қатысты.
Шараның мақсаты – жастар арасында салауатты өмір салтын насихаттауға және есірткінің таралуына және олардың синтетикалық түрлеріне қарсы күрес шараларын күшейту.
Береке ықшам ауданында орналасқан №42 орта мектебінің ауласында өткен іс-шарада Атырау облысы Полиция департаменті Есірткі қылмысына қарсы іс-қимыл басқармасы бастығының орынбасары Роман Ермұханов және Марьана Джангалиева балаларға синтетикалық есірткі заттарындағы қауіптілік туралы айтып берді. Сондай-ақ, нақты мысалдар келтіріп, балаларды есірткі заттарымен байланысты нәрселерге бой алдырмауға шақырды.
Өз кезегінде мектеп оқушылары мерекелік концерттік бағдарлама дайындап, шара барысында ұйымдастырылған сурет байқауында бақ сынады. Оқушылар бояулардың арқасында есірткіге деген жағымсыз көзқарас пен салауатты өмір салтын насихаттау үшін өздерінің ойларын білдірді. Байқау қорытындысы бойынша оқушылар жүлделі орындармен марапатталып, жеңімпаздарға естелік сыйлықтар таратылды.
– Айта кету керек, Мемлекет басшысы Қазақстан халқына Жолдауында синтетикалық есірткінің қоғамда, әсіресе өскелең ұрпақ арасында таралуына алаңдаушылық білдірді. Кез келген ата-ана балаларының болашағына, олардың әртүрлі зиянды заттардың әсерлерінен келетін қауіпке бей-жай қарамау керек. Бүгін біз ата-ана ретінде жауапкершілік туралы сөйлесеміз. Біздің ортақ мақсатымыз – жасөспірімдер арасында нашақорлықтың таралуына жол бермеу. Балалардың есірткі ортасына түсіп кетпей, оларға дер кезінде қорған болуды басты назарда ұстап, нашақорлыққа қарсы іс-шараларды кеңінен ұйымдастыруымыз керек. Бұл өскелең ұрпақ үшін өте маңызды деп есептейміз, – дейді тәртіп сақшылары.
