Павлодарда мас тұрғын бұрынғы әйелінің үйінің терезесін сындырып кеткен, – деп хабарлайды Polisia.kz.
12 маусым күні сағат 03:51-де Павлодар полициясына Нұрмағамбетов көшесінің тұрғыны хабарласқан. Әйел көрші пәтерде ерлі-зайыптылардың арасында ұрыс болып жатқанын айтқан.
Қырағы зейнеткер күйеуінің түнде жұмыстан мас болып келгенін естіп, ұрыс бастағанын жеткізді. Әйелдің айтуынша, мас күйеуі бұдан артық ұрып-соғу және мүлкіне зиян келтіру түріндегі әрекетке жол бермеген. Дегенмен отбасы-тұрмыстық қатынастар саласындағы құқық бұзушылықтар үшін полиция отағасын ӘҚБтК-нің 73-бабы бойынша әкімшілік жауапкершілікке тартты.
Павлодар облысындағы ауылдардың бірінде бұрынғы ғашықтар арасында тағы бір жанжал шықты. Әйел полицияға хабарласып, кешкісін өзіне мас күйінде келген бұрынғы күйеуінің үстінен шағымданды. Әйел мас ер адамды үйге кіргізбеуді шешті, оған ол агрессивті түрде есік пен терезелерді қағып, әрекет ете бастады. Бірақ күшін есептемей, терезені сындырды. Өз әрекеті үшін мұндай агрессивті ауыл тұрғыны әкімшілік құқық бұзушылық туралы кодекстің 73-бабы бойынша жауапқа тартылады. Ол бұрынғы әйелінен кешірім сұрап, жақын арада бүлінген мүлікті өз күшімен қалпына келтіруге уәде берді.
Бірақ сол кеште полицияның назарында тек отбасылық істер ғана емес – Павлодар қаласының М.Жүсіп көшесіндегі қалалық дәмханада уақытын мәдени өткізе алмаған жастар бір-бірін балағаттап жатты. Ұсақ бұзақылық жасағаны үшін әрбір тәртіп бұзушы, төртеуі де ҚР ҚК 434-бабы бойынша әкімшілік жауапкершілікке тартылды.
