Сәтбаев қаласының полиция қызметкерлері жоғалған баланы тауып, ата-анасына қайтарды, – деп хабарлайды Polisia.kz.
24 тамызда сағат 00:10 шамасында Сәтбаев қаласының ПБ-на алты жасар баланың жоғалып кеткені туралы шұғыл хабарлама түсті. Полиция басқармасының барлық жеке құрамы жедел-іздестіру шараларын ұйымдастырып, қала көшелеріне іздеуге шықты.
Тәртіп сақшыларының мұқият іздестіру жұмыстары негізінде бала табылып, ата-анасына қайтарылды. Кешкі мезгілде ойнауға шыққан баладан көз жазып қалған ата-анасы алғашында оны өздері іздеп көрген. Іздеп таба алмаған соң, полицияға хабарлаған.
Еске сала кетейік, бірнеше күн бұрын дәл осы қалада екі бала жоғалып, полицияның күшімен табылған болатын.
