СҚО колониясында өндірілетін дайын өнімнің көрмесі өтті, – деп хабарлайды Polisia.kz.
Мемлекеттің негізгі міндеті – бас бостандығынан айыру орындарындағы еңбекті ынталандыратын, көп салалы, лайықты сыйақыны қамтамасыз етіп қана қоймай, сонымен қатар өндірістің әртүрлі салаларында сотталғандардың кәсіби дағдыларын игеруге және дамытуға ықпал ету.
Бүгінгі таңда сотталғандар үшін жеткілікті жұмыс орындары бар заманауи және тиімді өндірісті алудың жалғыз нақты мүмкіндігі – шағын және орта бизнеспен ынтымақтастықта болу.
27 қыркүйекте мекеме аумағында өз өндірісін орналастырған шағын және орта бизнес субъектілерімен бірге Солтүстік Қазақстан облысы бойынша «Атамекен» кәсіпкерлер палатасында сотталғандармен жасалған дайын өнімдер мен бұйымдардың көрмесі өтті. Көрмеде ағаштан, былғарыдан жасалған бұйымдар, тұрмыстық заттар, атқа мінуге арналған атрибуттар мен құрт ұсынылды.
Іс-шараның мақсаты – қала мен облыс кәсіпкерлерін шақырту, сондай-ақ сотталғандарды еңбекке тарту арқылы өздерінің өндірістік қызметін ашуға және кеңейтуге ниет білдірген шағын және орта бизнес өкілдерімен бірлескен жұмысты жандандыру.
Жаңа учаскелердің ашылуы сотталғандарды түзеу мекемелерінде жұмыспен қамту проблемасын төмендетеді, ал сотталғандарға мемлекет пен жәбірленушілер алдындағы талап-арыз қарызын өтеуге, өз туыстары мен жақындарына ақша аударуға мүмкіндік береді.
Барлық сотталғандардың жұмысқа деген қызығушылығы бар, себебі еңбек өтілі болған кезде шартты түрде мерзімінен бұрын шығу ықтималдығы жоғары.
Еңбек процесінде адам бас бостандығынан айыру орындарында деген ойдан кетіп, өзін толыққанды адам ретінде сезінеді, мақсаттар қояды және теріс эмоциялардан алшақтайды, бұл ресоцализация процесіне оң әсер етеді.
