Ақмола полициясында облыс жолдарындағы қауіпсіздікті қамтамасыз ету бойынша шаралар кешені талқыланды

Ақмола полициясында облыс жолдарындағы қауіпсіздікті қамтамасыз ету бойынша шаралар кешені талқыланды, – деп хабарлайды Polisia.kz.

Ақмола облысы ПД бастығы Думан Таевтың төрағалығымен жол қауіпсіздігін қамтамасыз ету мәселесі бойынша кеңес полиция департаментінде өтті. Іс-шараға Ақмола облысы әкімінің бірінші орынбасары Малғаждар Тәткеев, Көкшетау қаласының әкімі Бауржан Гайса, облыс аумағында автожолдарды күтіп ұстауды жүзеге асыратын Департамент басқармаларының және жол ұйымдарының басшылары қатысты. Аумақтық полиция бөлімшелерінің басшылары мен жергілікті атқарушы органдардың өкілдері бейнеконференцбайланыс арқылы қатысты. Осылайша, проблемалық мәселелерді талқылауға өңірдің барлық мүдделі органдарының өкілдері қатысты. 

Ақмола бас полицейі жол қауіпсіздігін қамтамасыз ету маңызды әрі өзекті мәселе екенін атап өтті. ЖКО-ның негізгі себептері – жылдамдықты арттыру, көлік жүргізу кезінде ұйықтау, мас күйінде көлік жүргізу. Тағы бір себеп-иесіз жайылып жүрген мал мен жолға шығып кеткен жабайы жануарлар.

Полицейлердің қызметі жол-көлік оқиғаларының алдын алуға бағытталған. Полиция қызметкерлері жергілікті атқарушы органдармен және жол ұйымдарымен бірлесіп, үй жануарларының 54 макетін, балалардың 66 макетін, жол қозғалысы қауіпсіздігі тақырыбымен 32 билборд орнатты.

Жол қозғалысы қауіпсіздігін қамтамасыз ету бойынша полицейлердің атқарып жатқан жұмыстары туралы жұмыс кеңесіне қатысушыларға әкімшілік полиция басқармасының бастығы Ержан Қошқарбаев айтып берді. Спикердің айтуынша, ағымдағы жылдың басынан бастап әкімшілік полиция қызметкерлері автожолдарды 1704 тексеруден өткізіп, анықталған кемшіліктерді жоюға сонша ұйғарым берген. Нұсқамаларды орындамағаны үшін 13 лауазымды тұлға жауапқа тартылды, 144 лауазымды тұлға автожолдарды тиісінше ұстамағаны үшін жауапқа тартылды. Полицейлер соңғы 5 жылда ЖКО-ға топографиялық және себептік талдау жүргізді.

– Жол-көлік оқиғаларының жанама себептері тар жол, белгілеудің болмауы, жолдарға жақын елді мекендер бойында жарықтандыру, көп деңгейлі жаяу жүргіншілер өткелдері, мал айдау алаңдары, демалыс алаңдары болып табылады. Жалпы ұзындығы 257 км республикалық маңызы бар 5 жолдың жүру бөлігін кеңейту жөнінде шаралар қабылдау қажет, – деп атап өтті Ержан Қошқарбаев.

Жергілікті полиция қызметі басқармасы бастығының орынбасары Ерболат Хусаинов өз сөзінде апаттың жай-күйі және ЖКО санын азайту шаралары туралы айтып өтті.

– Жылдан жылға біз трассалардағы патрульдік нарядтардың санын көбейтіп, өрескел ЖҚЕ бұзушылықтарының едәуір санын анықтаймыз, бір авариялық-қауіпті учаскеден екіншісіне ауыстыруды жүргіземіз. Қабылданған шаралардың арқасында біз ЖКО-ның жалпы санын тіркеуді төмендетуге қол жеткіздік, – деді ол өз сөзінде.

Спикер алдағы қысқы кезеңге дайындық мәселесін көтерді.

Жиналғандар алдында «Ақмола облысының жолаушылар көлігі және автомобиль жолдары басқармасы» ММ басшысы В.З. Кулаков сөз сөйледі. Владимир Захаровичтің айтуынша, облыстың автожолдарын қыста күтіп ұстау үшін 128 бірлік қар тазалау техникасы бар, желіге уақтылы шығуды қамтамасыз ету үшін жылытылатын үй-жайларды, гараждар мен техниканы ретке келтіру бойынша жұмыстар жүргізілуде.

– Автомобиль жолдары мен жол құрылыстарын күтіп ұстау оларды тиісті жағдайда ұстау үшін жүйелі күтімді қажет етеді. Жолаушылар көлігі мен автомобиль жолдары басқармасы жол қозғалысының қауіпсіздігіне әсер ететін кемшіліктерді жою бойынша барлық қажетті жұмыстарды жүргізуде, – деп атап өтті Владимир Захарович.

Кеңеске «ҚазАвтоЖол» ҰК АҚ Ақмола облыстық филиалының директоры К.Шаймин, «Қазақавтожол» ЖШС директоры Н.Ж.Өмірзақов, «Ақылы автомобиль жолдары дирекциясының» бас инженері Е.Құлмахан, «Көкшетау қаласының тұрғын үй-коммуналдық шаруашылық, автомобиль жолдары және жолаушылар көлігі бөлімі» ММ басшысы А.Б.Рахымжанов қатысты.
Кеңеске қатысушылар проблемалық мәселелерді талқылай отырып, ауа райы жағдайлары нашарлаған кезде іс-қимыл алгоритмін әзірлеу, көлеңкелі тасымалдардың жолын кесу бойынша рейдтік іс-шаралар жүргізу, сондай-ақ мал жаю қағидаларын түсіндіру және олардың жолдардың жанында болуына жол бермеу бойынша халықпен бірлесіп жұмыс істеу туралы шешім қабылдады.

Жиын соңында полиция департаментінің бастығы баршаға белсенді қатысқаны үшін алғысын айтып, полицейлердің, жергілікті атқарушы органдар мен жол ұйымдары қызметкерлерінің бірлескен күш-жігерімен ғана жол қозғалысына қатысушылардың өмірі мен денсаулығын сақтап қалуға болатынын атап өтті.