Алматы полициясы 102 мобильді қосымшасын пайдалануға шақырды, – деп хабарлайды Polisia.kz
Бұрын хабарланғандай, 102 – көп арналы байланыс қосымшасы. Ол кез келген ыңғайлы форматта полицияға хабарласуға мүмкіндік береді: фото және бейне қосымшалары бар мәтіндік хабарлама, аудио және бейне қоңыраулар арқылы. Геолокация пайдаланушының орналасқан жерін анықтауға, қоңырауды қабылдауға, тіпті егер адамның өзі мекенжайды айта алмай тұрса да оған көмек көрсетуге мүмкіндік береді.
«SOS» батырмасы дабылдың геолокациясына сәйкес, патрульдің дереу шығуын болжайды. Қосымша жұмысының ашық болуы да маңызды: арызданушыға оның арызы бойынша қабылданған шаралар туралы хабарланады. Енді оқиғаның фотолары мен бейнелерін тікелей полицияға жіберуге болады.
Қосымшаны пайдалана отырып, азаматтар жол қозғалысы ережелерін бұзу, жол-көлік оқиғалары, отбасылық жанжалдар, жануарларға қатыгездік көрсету жағдайларын және тағы басқа да арыздарын жібере алады.
Айта кетейік, Алматы қалалық ПД ЖБО-ға жыл басынан бері омникалды байланыс арқылы 3600-ден астам қоңырау, 74 аудио және 66 бейне хабарлама келіп түскен.
