Ақмола облысында Солтүстік Қытайдың тумасы ҚР-ның азаматы атанды, – деп хабарлайды Polisia.kz.
Ақмола облысы ПД көші-қон қызметі бөлімшелерінің қызметкерлері мүмкіндігі шектеулі азаматтарды құжаттандыру үшін тұрақты негізде олардың тұрғылықты жеріне барып тұрады. 2022 жылы осындай 929 сапар жасалды.
Қаңтар айында 74 жастағы Николай Трубников өмірінде алғаш рет Қазақстан Республикасының жеке куәлігін алды. Николай Георгиевич Солтүстік Қытайда орналасқан Маньчжурия қаласының тумасы. Қарт адам 2016 жылдан бастап Көкшетау қалалық әлеуметтік бейімдеу орталығында тұрады және қазір Қазақстан Республикасының азаматы. Қазақстанға қоныс аударғаннан кейін ер адам төлқұжат алған, бірақ кейін оны жоғалтып алған.
Азаматтықты анықтау үшін көші-қон қызметінің қызметкерлері қажырлы жұмыс жасайды: адамның өмірбаяндық деректері тексеріледі, растайтын құжаттар жиналады, түрлі сұраулар жіберіледі, адам өмірінің әртүрлі кезеңдеріне қатысты мұрағаттық анықтамалар көтеріледі, ел шекарасынан өту фактілері тексеріледі.
Сондай-ақ 2023 жылдың бірінші айында мүмкіндігі шектеулі ер адамдар «Доброе сердце» пансионатында тұратын 56 жастағы Қайролла Бекбаев пен Андрей Вавилов жеке куәлік алды.
Жалпы, 2022 жылы Ақмола облысы полиция департаментінің көші-қон қызметі басқармасының бөлімшелері 87 мың 114 адамды құжаттады, оның ішінде 23 мыңнан астамы паспорттармен және 66 мың 502 адам жеке куәліктерімен құжаттаған. Сонымен қатар құжаттардың жоғалуына байланысты Ақмола облысының көші-қон қызметі бөлімшелеріне 10 мыңнан астам азамат жүгінді.
