Павлодарда мас адамдар қоғамдық орында ұйықтап қалған, – деп хабарлайды Polisia.kz.
Павлодар қаласы полиция басқармсының қызметкерлері күн сайын азаматтардың қоғамдық орындарда мас күйінде болуын анықтау және жолын кесу бойынша рейдтер жүргізеді. Тәжірибе көрсеткендей, мұндай бұзушылықтар облыс тұрғындары үшін жиі кездесетін құқық бұзушылықтардың бірі саналады.
– Қала көшелерінің бірінде патрульдеу кезінде полицейлер асфальтта ұйықтап жатқан адамды байқады. Павлодарлық түсіндіргендей, жұмыстан кейін әріптестерімен бірге ішкен, ал асфальтта өзін қалай тапқаны есінде жоқ. Сондай-ақ Естай көшесіндегі үй тұрғындарынан бесінші қабатта ер адамның жатқаны туралы шақыру келіп түсті. Орынға келгеннен кейін полицейлер 35 жастағы туған ер адамды анықтады. Оның айтуынша, жақында ұлды болған. Содан ішіп алып, үйге бармауға шешім қабылдаған. Таңертеңге дейін подъезде ұйықтай салған. Ер адамдар уақытша бейімдеу және детоксикация орталығына жеткізілді, оларға ҚР ӘҚБтК-нің 440-бабы бойынша әкімшілік хаттама жасалды, – деп хабарлады Павлодар қаласы патрульдік полиция батальоны командирінің орынбасары Максим Кустанов.
Полиция жыл басынан бері облыстың 1259 тұрғыны қоғамдық орындарда мас күйінде болғаны немесе алкоголь ішкені үшін жазаланғанын атап өтті. Тәртіп сақшылары мас азаматтарды уақытша бейімдеу және детоксикация орталығына жеткізеді, ауыр жағдайларда жедел жәрдем шақырады. ҚР ӘҚБтК-нің 440-бабының нормасы, ең алдымен, қоғамдық тәртіп пен адамгершілікті сақтауға, мас күйінде өздері үшін де, айналасындағылар үшін де нақты қауіп төндіретін адамдардың өмірі мен денсаулығына төнетін қауіпті жоюға бағытталған.
Осы баптың санкциясы 5 айлық есептік көрсеткіш мөлшерінде айыппұл салуға жатады. Бір жыл ішінде қайталап бұзылған жағдайда айыппұл мөлшері екі есе артады. Бірінші жаза қолданылған сәттен бастап бір жыл ішінде екі рет жауапқа тартылған адамдар 5 тәулікке дейінгі мерзімге әкімшілік қамауға алынады. Тәртіп сақшылары: дәрменсіз ұйықтап жатқан мас адамдарды смартфонның камерасына түсірудің орнына, сол смартфоннан «102» нөмірін теріп, барлығы туралы полиция қызметкерлеріне хабарлаған дұрыс екенін атап өтті.
