БҚО ПД-ның бастығы қоғамдық қауіпсіздікті қамтамасыз ету жөніндегі тұжырымдамалар туралы айтты, – деп хабарлайды Polisia.kz.
БҚО полиция департаментінің бастығы Арман Оразалиев журналистермен өткен брифингте есірткі бизнесіне, мал ұрлығына, интернет алаяқтыққа және кәмелетке толмағандарға қарсы қылмыстарға қарсы күрес қалай жүріп жатқанын, қылмыстардың алдын алу және қоғамдық тәртіпті қамтамасыз ету бойынша қандай алдын алу шаралары қабылданып жатқанын және «Қоғаммен серіктестікте қоғамдық қауіпсіздікті қамтамасыз ету жөніндегі тұжырымдамалар» туралы айтты.
Кездесу сұрақ-жауап форматында өтті. БАҚ өкілдері қоғамдағы өзекті тақырыптар бойынша сөз қозғады. Брифингті аша отырып, А.Оразалиев журналистік қоғамдастыққа полиция қызметтерінің жұмысын және жұртшылықты толғандыратын мәселелерді жариялағаны үшін алғыс айтып, журналистерді облыста қалыптасқан криминогендік жағдаймен таныстырды.
– ҚР ІІМ криминогендік жағдайды жақсарту бойынша бірқатар шаралар қабылданып жатыр. Біздің жұмысымызда құқық бұзушылықтың алдын алу және оған жол бермеу – басты бағыт. ҚР Ішкі істер министрлігі «2024-2028 жылдарға арналған қоғаммен серіктестікте қоғамдық қауіпсіздікті қамтамасыз ету жөніндегі тұжырымдама» жобасын әзірледі, онда үш негізгі стратегиялық бағыт көзделген: Біріншісі – азаматтардың өмірі, денсаулығы мен мүлкінің қорғалу деңгейін арттыру;
Екіншісі – халықпен әріптестікте мемлекеттік органдардың ортақ жауапкершілігі негізінде құқық бұзушылықтардың алдын алудың тиімді жүйесін құру;
Үшіншісі – полицияның қоғамдық қауіпсіздікті қамтамасыз ету жөніндегі заманауи тиімді ұйымға айналуы.Бұл тұжырымдама құқық бұзушылық жасау себептерімен күресуді көздейді. Егер біз бүгін салдарға жауап берсек, енді олардың жол бермеуіне жауап береміз, – деді полиция департаментінің бастығы.
Облыстың бас полицейі 2023 жылдың 4 айында атқарылған жұмыстар туралы қысқаша айтып берді.
А.Оразалиевтің айтуынша БҚО-да негізгі жасалатын қылмыстар интернет алаяқтық, мал ұрлығы және кәмелетке толмағандар жасаған құқық бұзушылықтар.
– Барлық тіркелген алаяқтық фактілерінің 90%-ы интернеттегі алаяқтық.
Әдетте, қылмыстың бұл түрін ашу өте күрделі процесс. Өйткені интернеттегі алаяқтардың 99%-ы ҚР-дан тыс жерлерде. Қазіргі уақытта ҚР ІІМ қылмыстық заңнамаға өзгерістер мен толықтырулар енгізу жөнінде ұсыныстар дайындады, онда «дроперлер» деп аталатындардың (банк шоттары арқылы ақша қаражаттарының аралық аударымдары жүргізілетін адамдардың) қылмыстық жауаптылығы көзделетін болады. Көп жағдайда азаматтар «банк қауіпсіздігі қызметкерлері» деген желеумен хабарласқан қоңырауларға сенеді. Бұл алаяқтықтың ең көп таралған түрі. Мұнда қарапайым ұялы телефон нөміріне келген смс-кодты сұрайды, ал азаматтар өз жинақтарынан айырылады. Кейде олар құқық қорғау органдарының қызметкерлеріміз деп таныстырған алаяқтардың жалған қоңырауларына сенеді.
Мысалы, 2023 жылғы 18 мамырда белгісіз тұлға WhatsApp қосымшасы арқылы өзін Астана қаласының “Әділет” мемлекеттік органының қызметкері ретінде таныстырып (өтемақы алу сылтауымен), банк терминалы арқылы 73 жастағы зейнеткерге тиесілі 2,7 млн теңгесін иеленген.
Интернет алаяқтықпен тиімді күресу үшін интернет алаяқтыққа қарсы іс – қимыл жөніндегі арнайы топ – «CYBERPOL» құрылатын болады, оның құрамына тергеу және жедел бөлімшелер қатарынан неғұрлым дайындалған қызметкерлер, сондай-ақ «IT» технологиялар саласындағы мамандар кіреді. Бұл топ қылмыстың осы түрлерін жедел ашуға және тергеуге бағытталатын болады. Топ заманауи жабдықтармен қамтамасыз етіледі. Кейіннен қызметкерлер жүйелі негізде озық техникалық жоғары оқу орындарында «IT» технологиясы саласындағы білім мен біліктілік деңгейін арттыратын болады. Бұл топ Орал қаласы ПБ ғимаратында орналасатын болады, оның жұмысымен танысуға мен баршаңызды қосымша шақырамын.
Осы мүмкіндікті пайдалана отырып, азаматтарды интернет алаяқтық жасау тәсілдері мен әдістері туралы хабардар ету бойынша түсіндіру жұмыстарын жүргізу үшін БАҚ өкілдері мен блогерлерді бірлескен ынтымақтастыққа шақырамын, – деді А.Оразалиев.
Мал ұрлығына қарсы іс-қимыл мәселесі біздің өңірде ең өзекті.
Ағымдағы жылдың 4 айында 30 мал ұрлығының қызметі тоқтатылды және 5 қылмыстық топ құрықталды. Тұрақты негізде БҚО ПД қызметкерлері мал иелерімен және ауыл әкімдіктерімен орталықтандырылған мал жаюды құру туралы түсіндіру жұмыстарын жүргізеді.
Бүгінгі таңда ауыл шаруашылығы жануарларының жауапсыз иелеріне қатысты ҚР ӘҚБтК-нің 408-бабы (Ауыл шаруашылығы жануарларын жаю қағидаларын бұзу) бойынша жалпы сомасы 5 млн теңгеге 1 мыңға жуық хаттама толтырылды. Өз сөзінің соңында полиция ведомствосының басшысы журналистерге есірткі бизнесімен айналысатын өңіраралық қылмыстық топты ұстау туралы айтып берді.
– БҚО полиция департаменті есірткі қылмысына қарсы іс-қимыл басқармасының қызметкерлері еліміздің батыс өңірлеріне есірткі құралдарын жеткізу арнасын және 8 адамнан тұратын өңіраралық қылмыстық топты, Алматы, Шымкент, Ақтөбе және Орал қалаларының 3 тұрғынын құрықтады. Олар аталған өңірлердің аумағында аса ірі мөлшерде көкнәр сабан есірткі құралдарын жеткізуді және өткізуді ұйымдастырды.
Жедел тергеу іс-қимылдары барысында қоспалары бар 24 тоннадан астам көкнәр сабаны, 5 млн теңгеге жуық қаражат, 3 қымбат жол талғамайтын көлік, 1 ауыр жүк автомашинасы тәркіленді. 24 тонна алынған есірткі затында (көкнәр сабаны) есірткінің таза салмағының үлесі – 1 тонна 680 келі немесе 240 мың дозаны құрады. Қара нарықта мұндай салмақтағы есірткінің бұл түрі 288 млн теңгеге бағаланады. Қабылданған шаралар барысында топтың барлық қатысушылары анықталып, ұсталды. Қазір біз мұқият тергеу жүргізіп жатырмыз. Ұсталғандардың қатарында топтың ұйымдастырушысы анықталды, ол Түркістан облысының 49 жастағы тумасы және оның ең белсенді 4 қатысушысы болды. Аталған қылмыстық тұлғалардың табысы тәулігіне 4 млн теңгені құрады, – деді Арман Оразалиев.
БҚО ПД бастығы отбасылық-тұрмыстық саладағы қылмыстарға ерекше тоқталды.
– Алдағы уақытта отбасылық-тұрмыстық саладағы іс-әрекеттерді криминализациялау бойынша түзетулер заңды күшіне енді. Мәселен, ҚР ҚК-нің 106 (Денсаулыққа қасақана ауыр зиян келтiру) және 107-баптарына (Денсаулыққа қасақана ауырлығы орташа зиян келтiру) ауыр және орташа ауырлықтағы денсаулыққа зиян келтірумен байланысты «Кінәліге материалдық немесе өзге де тәуелділіктегі адамға қатысты іс-әрекет жасау» біліктілік белгісі енгізілді.
Сонымен қатар әкімшілік заңнамаға тұрмыстық құқық бұзушылықтарды тіркеудің өтініш берушіден анықтау сипатына қатысты өзгерістер енгізілді, тараптарды қайта татуластыру мүмкіндігі алынып тасталды, сондай-ақ әкімшілік жауапкершілік күшейтілді, онда қайта құқық бұзушылық үшін 25 тәулік әкімшілік қамауға алу көзделген, – деп түсіндірді Арман Оразалиев “Фреш” аймақтық басылымының журналисінің сұрағына жауап бере отырып.
БАҚ өкілдері кең қоғамдық резонанс тудырған істерге, жолдарды қанағаттанарлықсыз ұстауға және жалпы жол қозғалысы қауіпсіздігін қамтамасыз етуге қатысты сұрақтар қойды. Бірлескен рейдтік іс-шаралар өткізу ұсынылды. Сондай-ақ жеке сипаттағы сұрақтар қойылды, журналистерді БҚО бас полицейінің бай тәжірибесі мен оның хоббиі қызықтырды. Жалпы, журналистер департаменттің жаңа бастығымен кездесуге риза болды. Брифингті қорытындылай келе Арман Оразалиев БАҚ-пен қоғам игілігі үшін бірлескен жұмысқа әрқашан қуанышты екенін атап өтті.
