Павлодарлық полицейлер қиын жағдайға тап болған балаларды қолдау орталығының тәрбеленушілерімен табиғатқа саяхат жасады, – деп хабарлайды Polisia.kz.
Өткен демалыс күндері павлодарлық полицейлер өмірлік қиын жағдайға тап болған балаларды қолдау орталығының тәрбиеленушілері үшін туристік жорық ұйымдастырды.
– Балалар үшін бұл тамаша бос уақыт қана емес, сонымен қатар дербестік дағдыларын шыңдау, пайдалы тәжірибе мен жаңа білім алу мүмкіндігі, – деп есептейді полиция қызметкерлері.
Жас туристер полицейлермен, педагогтармен және орталықтың тәрбиешілерімен бірге жол рюкзактарын арқалап, қайың тоғайына барды.
– Мен жаяу серуендегенді жақсы көремін, бұл өте керемет! Ашық ауада ойнап, ошақта түскі ас дайындап, ән айттық! Біз кезекті сапарға шығатын сәтті асыға күтеміз, – деп эмоцияларымен бөлісті орталықтың тәрбиеленушісі Арина Дубовицкая.
Қыздар үстел жасауды даярлап қойып жатқанда, ұлдар отқа отын жинады. Ең белсендісі төрт жасар Саша болды, ол бәріне көмектесе алды. Ашық ауада балалар түскі ас ішіп қана қоймай, футбол, волейбол ойнады, ән шырқады, суреттер байқауына және көңілді старттарға қатысты.
– Бұл іс-шараның басты мақсаты – балаларды жақсы көңіл-күймен қуаттандыру, әртүрлі туристік ережелер мен амалдарды үйрету. Мысалы, табиғатта қандай ойындар ойнауға, науқанға қатысушыларға міндеттерді қалай бөлуге болатындығын, қауіпсіздік ережелерін сақтау керектігін көрсетті. Демалыс күндерін осылай өткізу бәріне ұнады, балалар табиғатта уақыт өткізуге қуанышты болды, – дейді Павлодар облысының полиция департаменті.
