Шымкентте 60-тан астам оқушы алғаш рет полиция музейіне экскурсия жасады, – деп хабарлайды Polisia.kz.
№107 жалпы білім беретін орта мектептің шәкірттері полиция департаментінің музейіне танымдық экскурсия жасады.
Мұндағы басты мақсат – мектеп қабырғасындағы жасөспірімдерді полиция тарихымен таныстыру, олардың бойындағы патриоттық сезімді ояту, полицейлердің өнегелі жолын насихаттап, жастарды адалдық рухта тәрбиелеу.
Музей маманы Гүлнәр Шалқарқызы оқушыларға Сайрам селосының ардагерлері С.Сатыбалдиев, Г.Юсупова, Т.Туғанбеков жайында арнайы экскурсия жүргізді. Сонымен қатар балаларға 1970-1980 жылдардағы ОҚО-ның милиция қызметі жайында деректі фильмді көрсетті.
Жиынға арнайы қатысқан ювеналды полиция тобының ерекше тапсырмалар жөніндегі аға инспекторы, Шарен Бекенов жеткіншектерге нағыз полицейдің бойынан табылуы қажет қасиеттерді түсіндірді.
