Қостанай облысының полицейлері жалған нөмірмен жүрген мас жүргізушіні ұстады, – деп хабарлайды Polisia.kz.
Оны полиция қызметкерлері Қарабалық кентінің бір көшесінде патрульдеу кезінде ұстады.
26 қарашада «Құқықтық тәртіп» республикалық операциясы кезінде сағат 21:00 шамасында полиция қызметкерлері ВАЗ 2107 көлігін тоқтатты. 40 жастағы жүргізушінің мінез-құлқы біртүрлі болып көрінді және одан алкогольдің иісі шығып тұрған.
Құжаттарды тексеру кезінде оның 2027 жылға дейін көлік жүргізу құқығынан айырылғаны анықталды. Ол сондай-ақ қазақстандық есепке алумен жалған нөмірлерді пайдаланды. Шын мәнінде, Вин кодты салыстырған кезде полиция көліктің Ресей Федерациясында есепте тұрғанын анықтады.
Медициналық куәландыру жүргізушіде алкогольдік масаңдықтың “орташа дәрежесін” көрсетті. Көлік арнайы тұраққа қойылды.
Осы факті бойынша ҚР ҚК-нің 346-бабына сәйкес бойынша сотқа дейінгі тергеу басталды. Баптың санкциясы 5 жылға дейінгі мерзімге бас бостандығынан айыру түріндегі ең жоғары жазаны көздейді.
