Абай облысында полицейлердің заңды талабына бағынбаған жүргізуші жауапқа тартылды, – деп хабарлайды Polisia.kz.
Үржар аудандық соты аудан тұрғынын билік өкіліне қатысты зорлық-зомбылық көрсеткені үшін айыптау бойынша қылмыстық істі қарады.
Оқиға өткен жылдың 27 қарашасында Үржар ауылындағы Абылайхан даңғылында болған. Абай облысында “Құқықтық тәртіп” жедел-профилактикалық іс-шарасы өткізілді, оның шеңберінде қызмет инспекторлары елді мекенде қоғамдық тәртіпті және жол қауіпсіздігін қорғауды қамтамасыз етті. Тәртіп сақшылары Таскескен ауылының тұрғыны басқарған Mitsubishi libero көлігін тоқтатты.
Полиция қызметкері жүргізушіден құжаттарын көрсетуін сұраған, алайда жүргізуші көлікті басқару құқығының жоқтығынан полицейді елемей, жасырынуға тырысып, полиция қызметкеріне шабуыл жасады.
Тәртіп сақшысын 150 метрден астам жерге дейін көліктің капотында сүйреп, салдарынан полицей жарақат алды. Әріптесі көлікте тағы екі жолаушы бар екенін және табельдік қаруды қолдану олардың өміріне қауіп төндіретінін түсініп, ізімен жүгірді. Көлікті тек басқа көмекке келген экипаж тоқтата алды.
Сот отырысында ер адам өз кінәсін толық мойындады. Сот қаулысымен ол билік өкіліне қатысты зорлық-зомбылық көрсеткені үшін сотталды, оған бас бостандығын шектеу және 4 айлық түзету жұмыстары түріндегі жаза тағайындалды.
