Алматыда пәтер ұрылары ұсталды, – деп хабарлайды Polisia.kz.
Пәтер ұрылары тобында Шығыс Қазақстан және Түркістан облыстарынан келген төрт адам болды. Жастары – 28 жастан 33 жасқа дейін. Барлығы бұрын сотты болғандар.
https://youtu.be/l_JQlwajcrU?si=RdaktFiW6sw7HSpW
– Қазіргі уақытта күдіктілердің қалада жасалған 5 ұрлыққа қатысы бар екендігі анықталды. Күдіктілер Мирас ықшамауданындағы үйлердің біріне ұрлыққа түскеннен кейін қылмыс үстінде ұсталды. Олар күндіз бірінші қабаттағы пәтерге терезе арқылы кіріп, оны тонап, қашып кеткен. Алайда бірнеше минуттан кейін олар полицияның арнайы жасақтарының көмегімен ұсталды. Алматыда қылмыстық топ мүшелерінің Chevrolet және Toyota көліктерін айдағаны белгілі болды. Аса ірі көлемдегі пәтер ұрлығына қатысты қылмыстық іс тергеліп жатыр. Күдіктілер уақытша ұстау изоляторына қамалды, – деді Алматы қалалық ПД криминалдық полиция басқармасының бастығы Қуатбек Науатов.
ҚР ҚК-нің 201 бабына сәйкес өзге ақпарат тергеу мүддесіне орай жария етілмейді.
ҚР Конституциясының 77 бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
