Биыл Павлодар облысында ұрлық 17%-ға төмендеді, – деп хабарлайды Polisia.kz.
Бөтеннің мүлкін ұрлаудың алдын алу және қылмысты ашу мүлікке қылмыстық қол сұғушылықпен күресудің маңызды бағыттарының бірі.
– Осы жылы өңірде ұрлық 17%-ға төмендеп отыр. Барлығы 250 ұрлық фактісі тіркелді, оның ішінде 16 пәтер, 73 телефон ұрлығы бар. Облыс жедел уәкілдерімен 126 күдікті адам анықталды, 95 адам мен 12 қылмыстық топ ұсталды. Барлық ұрлық бойынша тергеу және жедел-іздестіру шаралары жүргізіліп жатыр. Әрбір іс басшылықтың бақылауында, – дейді Павлодар облысы ПД криминалдық полиция бастығы Балғабай Қапаров.
Тәртіп сақшысы пәтер ұрлығының негізгі бөлігі түнгі уақытта – есікті, құлыпты бұзу, терезеден кіру, кілтті келтіру және тіпті құлыпталмаған есікке кілт таңдау арқылы жасалатынын түсіндірді. Мысалы осы жылдың ақпан айында 36 жастағы ер адам көрші үйде ешкім тұрмайтынын біліп, кіреберіс есікті балғамен сындырып, үйге кірді. Ол жылыту металл батареяларын бұзып алып, металл қабылдау пунктіне өткізгісі келген.
Қылмыстардың едәуір бөлігі сіз бен біздің немқұрайлылығымыз бен менмендігімізден туындайды. Кейде біз қылмыскерлерге пәтер ұрлығын жасауға ыңғайлы мүмкіндік береміз. Сізге, сіздің мүлкіңізге және тұрғын үйіңізге қылмыстық қол сұғушылықтардың алдын алу мақсатында полиция бағалы заттарды қараусыз қалдырмауға кеңес береді. Дәліздерді, кіреберістерді бейнебақылау камераларымен жабдықтау, есіктерді берік құлыптармен құлыптау, тұрғын үйдің есіктерін қысқа уақытқа да ашық қалдырмау қажет.
Бөлмеден немесе пәтерден шықпас бұрын есіктер мен терезелерді жабуды ұмытпаңыз, есіктерді желдету үшін ашық қалдырған кезде есік тізбектерін орнатыңыз. Мүлікті сақтаудың тиімді әдісі-күзет дабылын орнату және пәтерді қауіпсіздік пультіне қосу.
Айта кету керек, Павлодар облысының аумағында 15384 пәтер мен 14977 ұйым күзетіледі.
