Түркістан облысының полицейлері ұрлық жасаған екі күдіктіні анықтады, – деп хабарлайды Polisia.kz.
Мақтаарал аудандық полиция бөлімінің қызметкерлері жедел-іздестіру іс-шаралары барысында ұрлық қылмысына қатысы бар деген айыппен екі күдікті ер азаматты қолға түсірді.
Анықталғандай, екі күдікті жігіт олжа іздеп, түнгі уақытта қылмыстық оймен бөтеннің үйіне заңсыз кірген. Яғни ешкім жоқ екеніне көз жеткізіп, қоршаудан секіріп түсіп, үйге ұрлыққа түскен. Үйдің кіреберісінен құны 65 мың теңге тұратын велосипедті жымқырып, «іздерін суытқан».
Тәртіп сақшылары күдіктілердің бірінің үйіне тінту жүргізу барысында арнайы жасырынған орыннан қолды болған велосипедті тәркілеп, заңды иесіне қайтарды.
Қазіргі таңда ұсталған күдіктілерге қатысты тергеу амалдары жүргізіліп жатыр.
