Түркістан облысының полицейлері мас жүргізушіні анықтап, жол апатының алдын алды, – деп хабарлайды Polisia.kz.
Түлкібас ауданының полициясы күнделікті қызмет атқару барысында кешкі уақытта аудан көшелерінің бірінде қауіпсіздік белдігін тақпаған жүрісі күдік тудырған Opel vectra көлігінің жүргізушісін байқап қалды. Полиция тез арада құқық бұзушының соңынан қуып жетіп, тоқтатты.
Жүргізушімен әңгіме барысында полицейлер оның мас екеніне көз жеткізді.
Сондай-ақ құжатсыз көлік басқарғанын анықтады. Сот шешімімен ол 7 жыл мерзімге көлік құралын басқару құқығынан айырылды. Автокөлік айып тұрағына қойылды.
