Шымкент қалалық полиция департаментінің бастығы Думан Таев Ұлы отан соғысының ардагеріне теңестірілген 93 жастағы отставкадағы милиция майоры Кашлакова Нина Витальевнаны Жеңіс күнімен құттықтап қайтты, – деп хабарлайды Polisia.kz.
Сондай-ақ Әл-Фараби ауданы полиция басқармасының қызметкерлері де 93 жастағы ардагердің йіне барды.
Тәртіп сақшылары ардагердің еңбектерін елеп, мерекемен құттықтап, жылы лебіздерін білдірді. Нина Кашлаковаға алғыс хат пен арнайы сый-сияпаттар табысталды. Оған қоса, офицерлер оның ауласын ретке келтіріп, тазалық жұмыстарын жүргізіп, үй шаруасына көмектесті.
Қонақтардың көрсеткен құрметіне риза болған ардагер шын жүректен алғысын білдірді.
– Мен зейнетке шыққаныма 30 жылдан асты. Сол аралықта бірде-бір мерекеде полицейлер мені назарсыз қалдырмады, әрдайым құттықтап, гүл шоқтарымен келеді. Сіздерге бар жақсылықты тілеймін. Қиын қызметтеріңізде өздеріңізге қамқор болғайсыздар, – деді ардагер.
