Алматыда полицияның бірыңғай саптүзеуі өтті, – деп хабарлайды Polisia.kz.
Алматы қалалық ПД бастығы Арыстанғани Заппаровтың қатысуымен ПД автокөлік шаруашылығында біріктірілген полиция жасақтарының біртұтас саптүзеуі өтті.
– Полицияға Қазақстан Республикасы Президентінің, азаматтардың, әсіресе балалардың қауіпсіздігін қамтамасыз ету, олардың конституциялық құқықтарын қорғау, тұрмыстық зорлық-зомбылықтың алдын алу, заңдылық пен құқықтық тәртіпті қамтамасыз ету, жазатайым оқиғалардың санын азайту, халықтың сауаттылығын арттыру, көші-қон бақылауын күшейту, есірткі қылмысымен күресу, сондай-ақ жеке құрам арасындағы тәртіп пен заңдылық мәселелері жөніндегі тапсырмаларын орындау міндеті тұр. Сонымен қатар жергілікті полиция қызметінің сапасын арттыруға және алға қойылған мақсаттарға тиімдірек қол жеткізуге ықпал ететін қызметтің сервистік моделіне көшу бойынша Ішкі істер министрлігінің басым тұжырымдамаларының бірін іске асыруға ерекше назар аударылуда. Қаладағы тәртіп пен азаматтардың амандығы полицияның қалай жұмыс істейтініне байланысты. Тәртіп сақшыларының қоғаммен тығыз байланыста болуы өте маңызды. Ал материалдық-техникалық база мен мемлекеттік әлеуметтік қолдау олардың оқиғалардан қалыс қалмай, қылмысқа қарсы тұруына мүмкіндік береді, – деді Арыстанғани Заппаров.
Сондай-ақ полиция департаментінің басшысы, әрбір полиция қызметкері азаматтардың қауіпсіздігі мен игілігі үшін адал және риясыз қызмет атқару керектігіне тоқталды.
Осы орайда ол тәртіп сақшыларына жеке құрам арасында қатаң тәртіп пен заңдылықты сақтауды тағы да еске салды. Сонымен қатар біртұтас саптүзеу кезінде Алматы қалалық ПД басшылығы патрульдік полиция автопаркінің жағдайын тексерді.
