СҚО бойынша ҚАЖД мекемелерінде үш соғысқа қатысқан батырдың ұрпақтары қызмет атқарады. Егіз ағайындының атасы Кеңес-финляндия, Ұлы отан соғысы, Кеңес-жапон соғысының ардагері, – деп хабарлайды Polisia.kz.
15 жылдан астам уақыт бойы егіз ағайынды Болат Айсақов пен Қайрат Айсақов Солтүстік Қазақстан облысының ішкі істер органдарында қызмет етіп келеді. Ағайындылар 1989 жылы 5 минуттық айырмашылықпен дүниеге келді, Қайрат үйдің үлкені.
Ішкі істер органдарында өз қызметін Айсақовтар әртүрлі жолдармен бастады. Мектептен кейін 2007 жылы Қайрат бірден ҚР ІІМ Семей заң колледжіне оқуға түсті, үлкен ағасынан үлгі алып, 2010 жылы Болат ҚР ІІМ Павлодар заң колледжінде оқуын бастады. Полиция лейтенанты және әділет лейтенанты алғашқы офицерлік атақтарын алғаннан кейін ағайындылар өздерінің армандарын орындады: «Атамыздың бізбен мақтанғанын қалаймыз». Ол айтпақшы, Қайрат пен Болаттың осындай қиын, бірақ маңызды және жауапты мамандықты таңдауына себеп болды.
– Біздің атамыз Нуркан Айсақов үш соғыстың қатысушысы: 1939-1940 жылдардағы Кеңес-финляндия соғысы, 1941-1945 жылдардағы Ұлы Отан соғысы және 1945 жылғы Кеңес-жапон соғысы. Майданнан оралғаннан кейін Отанның игілігі үшін қызмет етуді жалғастыру мақсатында ол тергеу изоляторына қызметке қабылданды. Өмірінің 27 жылдан астам уақытын ТИЗО-дағы жұмысына арнап, полиция старшинасы атағымен корпус бойынша аға лауазымынан лайықты демалысқа шықты. Біз үшін ол нағыз батыр, – деді Болат.
Қазір Болат Айсақов №48 мекеме бастығының тәрбие жұмысы жөніндегі орынбасары, ал оның үлкен ағасы Қайрат Айсақов №50 мекеме бастығының режимдік-жедел жұмысы жөніндегі орынбасары. Қызметтерін СҚО бойынша ҚАЖ департаментінің жедел бөлімінің жедел уәкілі және Шал ақын ауданының ПБ учаскелік полиция инспекторы лауазымдарынан бастады.
Ағайындылар қызметте де, күнделікті өмірде де жиі кездеседі. Айтпақшы, әркімнің өз отбасы бар. Болат екі баланың, ал Қайрат үш баланың әкесі. Қайраттың жұбайы да қылмыстық – атқару жүйесінде инспектор-психолог лауазымында қызмет етеді, атағы әділет капитаны.
Жұмыстың күрделілігіне және уақыттың аз болуына қарамастан, ағайындылар бала тәрбиесімен және өзін-өзі дамытумен айналысады.
Адал еңбегі мен жоғары көрсеткіштері үшін екеуі де ҚР ІІМ ҚАЖ комитеті мен департамент басшылығының атынан грамоталарымен, медальдарымен және алғыс хаттарымен бірнеше рет марапатталды.
– Ішкі істер органдарының қызметкері – қызықты әрі жан-жақты, бірақ жауапты әрі қауіпті мамандық. Біздің жағдайда біз әртүрлі ауырлықтағы қылмыстары үшін сотталған адамдармен жұмыс істейміз. Оларды қайта тәрбиелеу және дұрыс жолға бағыттау – біздің басты міндетіміз, – деп қорытындылады Қайрат.
