Таразда жазасын өтеушілерге психологиялық көмек көрсетілді, – деп хабарлайды Polisia.kz.
№25 түзеу мекемесінің аға инспектор психологтары Маржан Сейдуллаева мен Сәуле Әзімханова сотты болған азаматтарға жоспарға сай психологиялық көмек берудің арнайы іс-шарасын ұйымдастыруда.
Психологтар “Өзіне сенімділікті арттыру”, “Өкпе-наз”, “Менің болашағым”, “Пайдалы әрекеттер” секілді тренингтермен қатар, “Ақ сұңқар” психодиагностикалық зерттеулер аясында жүйелі жұмыстар жүргізуде. Бастысы, аталған іс-шара барысында мамандар сотталғандармен жан-жақты пікір алмасып, оларға психологиялық ақыл-кеңестер беруде.
Айта кетейік, бүгінгі таңда дәл осы мекемеде 700-ге жуық азамат жазасын өтеп жатса, жыл басынан бері 70-ге тарта жазасын өтеуші психологтардың көмегіне жүгінген. Бұдан бөлек, мекеме психологтарының бастамасымен 300-ден астам сотты болғандарға тиісті жәрдем берілді.
