ІІМ Алматы академиясы бұқаралық ақпарат құралдарының өкілдері үшін пресс-тур ұйымдастырды, – деп хабарлайды Polisia.kz.
ІІМ Алматы академиясы бұқаралық ақпарат құралдарын оқу орнының қабырғасына арнайы шақырды.
– Іс-шара барысында журналистер академияның ауқымды қызметімен, оның бірегей ерекшеліктерімен, сондай-ақ оқу орнының тарихи және мәдени көрікті жерлерімен танысты, – деді ІІМ Алматы академиясы бастығының уақытша міндетін атқарушы Жанат Дильбарханова.
БАҚ өкілдері саптық дайындық бойынша сабақтардың қалай өтіп жатқанын, тыңдаушылардың дене шынықтыру дағдыларын көрді. Айта кетейік, академияның білім алушылары мен оқытушылар құрамы арасында әлем чемпиондары, Азия чемпиондары және әртүрлі спорт түрлері бойынша спорт шеберлері бар.
Қызметтік міндеттерін орындау кезінде қаза тапқан полиция қызметкерлері мен академия түлектеріне арналған мемориалға бару экскурсияның маңызды бөлімі болды. Осыдан кейін журналистер академияның мұражайына барып, оның бай тарихына терең үңіліп, мұрасымен таныса алды.
Қонақтар киберкафедра мен киберполигонға ерекше назар аударылды, онда олар киберқауіпсіздік саласындағы мамандарды заманауи даярлау туралы тереңірек білді. БАҚ өкілдері киберқауіптерді жою және ақпаратты қорғау бойынша сабақтар мен жаттығулардың қалай өтіп жатқанын көрді.
Экскурсия 1554-1879 жылдар аралығындағы қазақ халқының үздіксіз мемлекеттілігі туралы бағзы карталар галереясын көрумен жалғасты, автордың қолы қойылған карталардың алғашқы түпнұсқасы тек академияда ғана бар екенін атап өткен жөн.
Детектив клубының жұмысына да назар аударылды. Айта кету керек, детектив клубының кітапханасы шетелдік және отандық жазушылардың детектив жанрындағы шығармаларына өте бай.
Баспасөз туры атыс дайындығы сабақтарына қатысумен аяқталды.
– Академияның қызметі көп қырлы және ашық. Біз құқық қорғау органдары үшін кадрлар даярлаудың кешенді тәсілін қамтамасыз етуге ұмтыламыз және осы бағыттағы жетістіктерімізді мақтан тұтамыз. Бүгін бұқаралық ақпарат құралдарының өкілдері 68 жылдық тарихы бар ведомстволық оқу орны туралы тереңірек білді деп үміттенеміз, – деп түйіндеді Жанат Дильбарханова.
Суреттер сөйлесін
