Биыл Павлодар облысында телефон ұрлығының 219 фактісі тіркелді, – деп хабарлайды Polisia.kz.
Полиция автобуста Samsung телефонын ұрлатып алған қала тұрғыны жүгінді.
– Мен жұмыстан келе жатып, жолда ұйықтап қалдым, оянған кезде бір ай бұрын ғана сатып алған телефонымның жоғалғанын білдім, – дейді өтініш беруші.
– Қазіргі уақытта осы қылмысқа қатысы бар адамдарды анықтауға бағытталған жедел-іздестіру іс – шаралары жүргізілуде, – деді Павлодар облысы ПД.
Жыл басынан бері облыс аумағында телефон ұрлаудың 219 фактісі тіркелген.
Телефон ұрлаушылардың олжасына айналмас үшін полиция қызметкерлері азаматтардан бірқатар қарапайым ережелерді сақтауды сұрайды: телефондарыңызды, ақшаңызды және бағалы заттарыңызды сыртқы қалтаңызда ұстамаңыз. Жеке мүлкіңізді қараусыз қалдырмаңыз және оны қоңырау шалу сылтауымен бейтаныс адамдарға бермеңіз. Ойын-сауық мекемесінің бөлмесінде болған кезде телефонды үстелге қоймаңыз және оны бірнеше минутқа да назардан тыс қалдырмаңыз. Мүмкіндігінше көшеде немесе бейтаныс адамдармен бірге қымбат құрылғыларды көрсетпеуге тырысыңыз.
Көбінесе аймақтың кәмелетке толмаған тұрғындары шабуылдаушылардың құрбаны болады, олар көшеде телефонға музыка қосып, гаджетте ойын ойнайды, осылайша өз мүлкінен айырылып қалады.
Полиция балалармен сөйлесуді және мобильді құрылғыларды сөмкеге немесе рюкзакқа салу керектігін ескертуді ұсынады. Сондай-ақ полиция азаматтардың назарын қараусыз қалған басқа біреудің телефонын немесе басқа да осындай гаджетті иемдену қылмыстық жазаланатын әрекет екенін еске салады. Басқа біреудің мүлкін тапқан адам оны заңды иесіне қайтаруға міндетті, ал егер мұны өз бетінше жасау мүмкін болмаса, полиция қызметкерлеріне иесін іздеуге көмектеседі.
