Алматы облысында полиция жергілікті атқарушы органдардың өкілдерімен кездесті, – деп хабарлайды Polisia.kz.
Ақпарат кеңістігінде профилактикалық жұмысты күшейту үшін полиция мен жергілікті атқарушы органдар күш біріктірді.
Облыстық полиция департаменті бастығының орынбасары Ақылбек Төлеуов жергілікті атқарушы органдардың өкілдерімен кездесу өткізіп, ынтымақтастықты нығайтуға және халықпен өзара әрекеттесу тиімділігін арттыруға бағытталған бірқатар бастамалар талқыланды.
Кездесуде танымал мессенджерлерде ортақ чат құру туралы шешім қабылданды. Бұл арна профилактикалық сипаттағы материалдарды: бейнероликтерді, ақпараттық хабарламалар мен ұсыныстарды таратуға арналған алаңға айналады. Мұндай материалдардың мүмкіндігінше көбірек адамды қамтуына ерекше назар аударылады. Аудандық атқарушы органдар бұл процеске белсенді түрде қосылып, бар топтар арқылы мазмұнды үнемі жаңартып, таратуды қамтамасыз етеді.
Жаңа коммуникациялық құралдар халықты құқық бұзушылықтың алдын алу шаралары туралы тиімді ақпараттандыруға мүмкіндік береді деп жоспарлануда. Азаматтар құқық бұзушылықтың алдын алуға, жеке қауіпсіздікті арттыруға және қорғанысты нығайтуға көмектесетін пайдалы ақпаратқа қол жеткізеді.
Бұл бастама профилактикалық жұмыстарды кеңейтуге ғана емес, сонымен қатар полиция, билік және халық арасындағы сенімді жақсартуға бағытталған. Азаматтарды диалогқа тарту және кері байланыс ұсыну баршаға қауіпсіз және жайлы орта құруға ықпал етеді.
