Павлодар облысының жастары арасында полиция қызметіне деген қызығушылық артып келеді, - деп хабарлайды Polisia.kz.
Павлодар облысында жастардың полиция қызметіне деген қызығушылығының артуы байқалады. Жұмысшы мамандықтар жылы аясында облыс орталығында бірыңғай ашық есік күні ұйымдастырылды. Іс-шараға полиция департаментінің бөлімшелері қатысып, жастарға ішкі істер органдарына қызметке қабылдау тәртібін түсіндірді және жас әрі білікті кадрларды полицияға тарту мақсатында ақпарат берді.
Мектеп түлектері мен олардың ата-аналары қызметке үміткерлерге қойылатын талаптарға ерекше қызығушылық танытты. Олардың арасында полицияға түсу шарттары, заңдарды білуге тестілеуден өту тәртібі, дене шынықтыру дайындығы бойынша нормативтер, мансаптық өсу мүмкіндіктері және полицияда жұмыс істеу үшін қажетті негізгі тұлғалық қасиеттер туралы сұрақтар көп болды.
Павлодар облыстық полиция департаменті өкілдерінің айтуынша, полиция қызметі жоғары жауапкершілікті талап етеді, сондай-ақ жедел шешім қабылдау және азаматтармен өзара іс-қимыл жасау қабілетін қажет етеді.
- Қызметтік міндеттерін табысты орындау үшін жағдайларға тез әрекет ете алатын, халықтың проблемаларын тиімді шеше алатын сауатты мамандар қажет. Іс-шара қорытындысы бойынша 25-ке жуық жас полицияға жұмысқа орналасуға және ел ІІМ жоғары оқу орындарына түсуге ниет білдірді, бұл жастардың тәртіп сақшысы мамандығына деген жоғары қызығушылығын көрсетеді, – деп атап өтті Павлодар облысының полиция департаменті.
