Түркістан облысында "Болашаққа мүмкіндік – жаңа өмір" атты форум өтті
Түркістан облысында "Болашаққа мүмкіндік – жаңа өмір" атты форум өтті, - деп хабарлайды Polisia.kz.
Созақ аудандық полиция бөлімінің ұйымдастыруымен "Болашаққа мүмкіндік – жаңа өмір" тақырыбында форум өтті. Іс-шараға мектеп оқушылары мен ұстаздар, ардагерлер, зиялы қауым өкілдері, жалпы 400 тұрғын қатысты.
Іс-шараның басты мақсаты – жастардың құқықтық сауаттылығын арттыру және құқықтық мәдениетті қалыптастыру. Форумға спикер ретінде қатысқан елімізге белгілі азаматтар қатарында актер әрі режиссер Ғалымжан Қалыбаев, филология ғылымдарының докторы Жабал Алшынбекұлы, ҚР еңбек сіңірген спорт шебері Біржан Жақыпұлы, дәстүрлі әнші Кенжебай Шал, ҚР "Дарын" мемлекеттік жастар сыйлығының иегері Ескендір Хашымұлы бар.
Олар жастарды дұрыс өмір сүруге шақырып, өнегелі әңгімелерін жеткізді.
Жиын барысында әкім Мұхит Сексенбайұлы, прокурор Ержан Базарбекұлы, полиция қызметкері Нұрлан Жақыпбекұлы сөз сөйлеп, атқарылған жұмыстар бойынша баяндама жасады. Ал театрландырылған сахналық көрініс көрермендерге терең ой салды.
Форум соңында Ибрагим Ескендір "Аманат" және "Көк тудың желбірегені" әнін орындап, қатысушыларға рухани серпіліс сыйлады.