Талдықорғанда полицейлер мектеп оқушыларына дәріс өтті, – деп хабарлайды Polisia.kz.
Талдықорған қаласындағы А.Макаров атындағы №6 орта мектебінде оқушыларға арналған есірткіге қарсы профилактикалық дәріс өтті. Шара Жетісу облысында жасөспірімдер арасындағы есірткіге қатысты құқық бұзушылықтардың алдын алу және жазғы демалыс кезінде профилактикалық шараларды күшейту аясында ұйымдастырылды.
Дәрісті полиция қызметкерлері облыстық психикалық денсаулық орталығының нарколог-дәрігерімен бірге өткізді. Мамандар оқушыларға зиянды әдеттерге қарсы тұрудың психологиялық жолдарын, ішкі мотивацияны арттыру және күйзелісті еңсеру тәсілдерін түсіндірді.
— Жастармен алдын алу жұмысын неғұрлым ерте бастау өте маңызды. Біз тек ақпарат беріп қана қоймай, есірткіге деген сыни көзқарас қалыптастыруға тырысамыз, — деді кеңес өкілі.
Дәріске 97 оқушы қатысты. Мұндай кездесулер оқушылардың денсаулық пен қауіпсіздікке қатысты саналы көзқарасын қалыптастыруға көмектеседі.
Бүгінде Қазақстан бойынша есірткі құқық бұзушылықтарының алдын алу жөніндегі 75 өңірлік кеңес жұмыс істейді. Олардың міндеті – ақпараттық-түсіндіру жұмыстарын жүргізу және жергілікті жерде қолдау көрсету.
