Криминалистер қалай жұмыс істейді, — деп хабарлайды Polisia.kz.
Павлодар облысындағы криминалистер мыңнан астам қылмыс орнын тексерді. Жедел-криминалистикалық бөлімшелер жасалған қылмыстарды тергеу үшін маңызы бар 1707 қол іздері мен 380-ден астам өзге іздер тәркіленді. Облыс криминалистері 891 зерттеу жүргізді, оның ішінде 14-і полиграфты қолданды. Криминалистикалық есептерді пайдалана отырып, 100-ден астам қылмыс ашылды, 16 белгісіз мәйіт анықталды.
- Қылмысты ашудың бір мысалы ретінде ұрлықты атап өтуге болады, онда асханасының біріндегі қосалқы үй-жайдан қомақты қаражат пен банк карталары бар әмиян, сондай-ақ азық-түлік ұрланған. Оқиға орнын тексеру барысында саусақтардың іздері алынды, алынған іздерді криминалистикалық есепке алу бойынша тексеру кезінде ұрлыққа күдікті адам анықталды. Кейін ол тағы бірнеше ұрлық жасағанын мойындады, — деді Павлодар облысы ПД жедел криминалистикалық басқармасы бастығының міндетін атқарушы Мират Ченемесов.
"Заң мен Тәртіп" қағидаты ішкі істер органдарының азаматтардың қауіпсіздігін қамтамасыз етуге, қоғамдық тәртіп пен жол қауіпсіздігін қолдауға бағытталған қызметінің негізі болып қала береді. Құқық бұзушылар өз әрекеттері үшін міндетті түрде жауап береді.
