Талдықорғанда полиция есірткі қылмысына қарсы күресті күшейтті, — деп хабарлайды Polisia.kz.
Талдықорғанда есірткінің заңсыз айналымымен байланысты қылмыстардың алдын алу мақсатында ауқымды профилактикалық акция өтті.
Операцияға есірткі қылмысына қарсы іс-қимыл басқармасының қызметкерлері, учаскелік инспекторлар және кинологтар қатысты. Тексерулер халық көп шоғырланатын қоғамдық орындарда, көшелерде және ойын-сауық нысандарында жүргізілді. Қызметтік иттерді пайдалану заңсыз есірткі айналымының мүмкін деректерін анықтауда тиімділікті едәуір арттырды.
Құқық қорғаушылар қала тұрғындарымен жұмысты ерекше назарда ұстады. Оларға есірткінің зияны мен оны қолданғаны және таратқаны үшін жауапкершілік шаралары түсіндірілген ақпараттық парақшалар мен буклеттер таратылды.
Ойын-сауық орындарында полицейлер профилактикалық әңгімелер өткізіп, заңға бағынуға, салауатты өмір салтын насихаттауға және есірткі қауіпіне қарсы бірлескен күреске шақырды.
Жетісу облысының полиция департаментінде мұндай іс-шаралардың тұрақты түрде өткізілетінін атап өтті. Мақсат – халықтың құқықтық сауаттылығын арттыру, жастарды заңсыз әрекеттерге тартудың алдын алу және кинологиялық қызметтің әлеуетін пайдалана отырып, заманауи профилактика әдістері арқылы өңірдің қауіпсіздігін нығайту.
