Нигерия елінің азаматы полицейлерге алғыс айтты, — деп хабарлайды Polisia.kz.
Шымкент қаласы полиция департаменті Қаратау АПБ-на Нигерия елінің азаматы көмек сұрап жатқаны туралы хабарлама келіп түскен. №541 автоэкипаж құрамындағы полиция аға лейтенанты Н.Салиев және полиция лейтенанты А.Әбдезов дер кезінде барып, Нигерия елінің азаматы таксиде өзіне тиесілі құжаттарын абайсызда қалдырып кеткенін айтқан.
Полиция қызметкерлері бейнебақылау камералары арқылы такси жүргізушісін анықтап, хабарласып, жүргізушінің мекен-жайына барып, Нигерия елінің азаматына тиесілі құжаттарды қайтарып беріп, қайта өзінің уақытша тұрып жатқан мекенжайына жеткізген.
Өз кезегінде, тәртіп сақшыларынан дер кезінде көмек алған шетел азаматы алғысын білдіріп, қызметтеріне сәттілік тіледі.
