Алматы облысында Қазақстан Республикасының Конституциясының 30 жылдығына арналған салтанатты іс-шара өтті, – деп хабарлайды Polisia.kz.
Іс-шара Мемлекеттік Әнұранның шырқалуымен басталды. Жеке құрамға құттықтау сөзін Алматы облысы полиция департаментінің бастығы Мейрам Әбікеев арнап, елдің Тәуелсіз және демократиялық мемлекет ретінде дамуының берік іргетасы болып табылатын Ата Заңның айрықша маңызын атап өтті.
Қазақстан Республикасының Конституциясы – әрбір азаматтың құқықтары мен бостандықтарына кепілдік беретін басты заң. Дәл осы қағидаттар негізінде құқықтық мемлекет құрылады, ал полиция қызметкерлері күн сайын олардың қорғалуын қамтамасыз етіп, қоғамның тыныштығы мен қауіпсіздігін күзетеді. Осы күні жас қызметкерлер салтанатты түрде Отанға және Қазақстан халқының алдындағы адалдығын дәлелдеп, ант қабылдады.
– Адал қызметі мен жоғары кәсіби көрсеткіштері үшін бірқатар қызметкерлер мемлекеттік және ведомстволық марапаттарға ие болды. Оларға Ішкі істер министрінің және Алматы облысы полиция департаменті бастығының бұйрығымен кезектен тыс арнаулы атақтар, медальдар, мақтау қағаздары мен алғыс хаттар табыс етілді, – деп хабарлады ведомствода.
Сондай-ақ ішкі істер органдарының ардагерлеріне және полиция қызметкерлерінің ата-аналарына айрықша назар аударылды. Олар құқық тәртібінің абыройлы қорғаушыларын тәрбиелеуге зор үлес қосуда. Салтанатты іс-шара полиция қызметкерлерінің сап түзеп, саптық жүріспен өтуімен аяқталды.
