Қарағанды академиясында қолма-қол ұрыс және өзін-өзі қорғау бойынша семинар өтті, – деп хабарлайды Polisia.kz.
ҚР Ішкі істер министрлігінің Қарағанды академиясында қоян-қолтық ұрыс және өзін-өзі қорғау бойынша семинар өткізілді. Іс-шара полиция департаменттерінің, ҚАЖ мекемелерінің аумақтық бөлімшелерінде және ІІМ-нің ведомстволық оқу орындарында арнайы кәсіби дайындыққа жауапты қызметкерлерге арналған оқу-жаттығу жиыны аясында ұйымдастырылды.
Семинардың мақсаты — қызметкерлердің кәсіби және дене даярлығы деңгейін арттыру, өзін-өзі қорғаудың практикалық дағдыларын дамыту, тәжірибе алмасу және ІІМ жүйесінде сабақ өткізудің бірыңғай әдістемелік тәсілдерін енгізу.
Семинарға еліміздің барлық өңірінен 30-дан астам қызметкер қатысты. Бағдарлама теориялық және практикалық бөлімдерді қамтыды. Онда қатысушылар белсенді қорғаныс, қарсыласты тоқтату және физикалық күш қолданылған жағдайларда қорғану тәсілдерін пысықтады.
Сабақтарды қоян-қолтық ұрыс саласындағы жетекші мамандар жүргізді. Олар:
Әділ Қайырбаев – Қоян-қолтық ұрыс бойынша Бүкілқазақстандық қауымдастықтың бас хатшысы, Қазақстан Республикасының еңбек сіңірген жаттықтырушысы, халықаралық дәрежедегі "Экстра класс" санатындағы төреші, өзін-өзі қорғау пәні бойынша халықаралық дәрежедегі спорт шебері;
Сергей Вальтер – Қазақстан Республикасының еңбек сіңірген спорт шебері, қоян-қолтық ұрыс бойынша 1-санаттағы халықаралық дәрежедегі төреші;
Мұхамедрахым Нұркеев – қоян-қолтық ұрыс бойынша спорт шебері.
Іс-шара қорытындысы бойынша барлық қатысушыға сертификаттар мен куәліктер табысталды.
Мұндай семинарлар қызметкерлердің кәсіби құзыреттіліктерін нығайтуға, төтенше жағдайларда сенімділігін арттыруға және жоғары деңгейдегі жауынгерлік әрі қызметтік дайындықты сақтауға ықпал етеді.
