Ақмола облысында студенттер мен жастардың құқықтық санасында "Заң мен тәртіп" қағидатын нығайту, оларда жоғары азаматтық жауапкершілік пен құқықтық мәдениетті қалыптастыру бойынша кездесулер жалғасуда, – деп хабарлайды Polisia.kz.
13 қарашада Абай Мырзахметов атындағы Көкшетау мемлекеттік университетінде полиция департаментінің өкілдері, Жастар ресурстық орталығының бөлім басшысы Шыңғысхан Елеш, "Esbolqory" қоры жанындағы "Есірткісіз болашақ" филиалының фронт-офисінің басшысы студенттермен кездесті.
Іс-шара қатысушылары заңдылықты сақтаудың, қоғамдық тәртіпті нығайтудың және әрбір азаматтың қоғамдағы тәртіпті сақтауға қосқан жеке үлесінің маңыздылығын талқылады. Полиция департаментінің қызмет өкілдері жастарға оңай табыс табу, дроппер үшін жауапкершілік және нашақорлықты таратуға қатысу қаупі туралы тағы да еске салды. Аға жедел уәкіл Разия Курсанованың сөзінде жасырын алынған есірткіні, есірткі жарнамалары табылған жағдайда, сондай-ақ есірткі курьері ретінде жұмыс істеу туралы ұсыныс түскен кезде қалай әрекет ету керектігі туралы нақты ұсыныстар айтылды.
Спикер дәріханалық тәуелділіктің қаупін атап өтіп, тыйым салынған заттарды сақтауға, таратуға, тасымалдауға және пайдалануға байланысты кез келген іс-әрекеттер үшін жауапкершілікті еске салды. Дәріс диалог форматында өтті және әр студент оны қызықтыратын сұрақ қоя алды.
Талқылаудың тағы бір өзекті тақырыбы интернет – алаяқтық пен дропперлікке қарсы тұру мәселесі болды. Жедел уәкіл Бекзат Назарова жастарды алаяқтарға жәрдемдескені үшін қылмыстық жауапкершілік туралы тағы да ескертті. Полиция студенттер мен оқытушылар құрамына негізгі алаяқтық схемаларды, сондай-ақ алаяқтардан қоңыраулар түскен кездегі іс-қимыл алгоритмін жеткізді. Спикерлердің сөз сөйлеуі профилактикалық бейнероликтердің көрсетілімімен сүйемелденді.
Кездесу соңында ювеналды полиция инспекторы Эльмира Тасбергенова сөз сөйледі. Полиция қызметкері жалпы қылмыс жасағаны және қоғамдық тәртіпті бұзғаны үшін қылмыстық және әкімшілік жауапкершілік туралы айтты. Құқық қорғау органдарының айтуынша, студенттермен мұндай кездесулер үнемі өткізіліп тұрады және іс жүзінде өзінің тиімділігін дәлелдеді. Қазіргі жастар құқықтық тәртіпті сақтауда белсенді, жедел жастар отрядтарының қатарына ерікті түрде кіріп, еріктілер қызметімен айналысады.
Полиция өңірдің барлық орта және жоғары оқу орындарында құқықтық мәдениетті насихаттауға бағытталған бірқатар тақырыптық кездесулер, дәрістер мен пікірталастар өткізуді жоспарлап отыр.
