Павлодар қаласында полиция қызметкерлері түнгі уақытта тұрақты түрде рейдтік іс-шаралар жүргізіп келеді, - деп хабарлайды Polisia.kz.
Ойын-сауық орындарының иелері кәмелетке толмағандардың заңды өкілінсіз түнгі уақытта жүруіне қатысты заң талаптарын біледі. Алайда кейбір кәсіпкерлер материалдық пайда үшін бұл талаптарды елемей жатады.
Кезекті рейд ювеналдық полиция қызметкерлері мен білім беру саласының мамандарының қатысуымен ұйымдастырылды.
— Полицейлер кәмелетке толмағандардың болуы мүмкін орындарды тексерді. Полиция және мектеп есебінде тұрған отбасылардың пәтерлеріне барды. Қызметкерлер балалармен және ата-аналармен ғана емес, көршілермен де сөйлесіп, отбасының ішкі жағдайын зерделеді. Павлодар тұрғындары құқық бұзушылықтардың алдын алуға жалпы қоғам ретінде мүдделі екенін көрсетті, — дейді Павлодар облысы полиция департаменті.
Тексеру барысында бір пәтерде ата-аналардың алкогольдік масаң күйде екені анықталды. Қазіргі уақытта материалдар сотқа жолдануға дайындалуда, онда ата-аналардың әрекетіне құқықтық баға беріліп, кәмелетке толмағандардың одан әрі тұратын орны айқындалатын болады.
Сонымен қатар түн ортасында полиция қызметкерлері компьютерлік клубтарда ата-анасының еріп жүруінсіз жүрген сегіз кәмелетке толмағанды анықтады. Заң бойынша ата-аналары әкімшілік жауапкершілікке тартылып, мекеме әкімшілігі де тиісті шаралар қабылданды. Бұл іс-шаралар балалардың қауіпсіздігін қамтамасыз ету және қоғамдық тәртіпті сақтау мақсатында жүргізілуде.
Рейдтік іс-шаралар Павлодар полициясының кәмелетке толмағандар үшін қауіпсіз орта қалыптастыруға, құқық бұзушылықтардың алдын алуға және ата-аналар мен мекемелердің жауапкершілігін арттыруға бағытталған тұрақты жұмысының бір бөлігі болып отыр.
