Абай облысында қоғамдық қауіпсіздік саласындағы жаңа басымдықтар айқындалды, - деп хабарлайды Polisia.kz.
Абай облысы полиция департаментінде сыбайлас жемқорлыққа қарсы іс-қимыл бойынша Президент саясатын қолдау орталығының басшысы Серік Байғалиев пен Абай облысы полиция департаментінің бастығы Эльдар Данияровтың жұмыс кездесуі өтті.
Кездесу барысында соңғы жылдардағы өзара іс-қимылдың қорытындылары шығарылып, полиция жұмысының тиімділігін арттыруға және қоғам сенімін нығайтуға бағытталған одан әрі ынтымақтастықтың нақты бағыттары айқындалды.
Аймақ тұрғындарын толғандыратын ең өзекті әрі сезімтал мәселелерге ерекше назар аударылды:
• жол қозғалысы қауіпсіздігіне және ауылдық округтердегі жағдайға тікелей әсер ететін қараусыз мал мәселесі;
• жол қозғалысына қатысушыларға қауіп төндіретін LED және BiLED шамдарын қоса алғанда, көлік құралдарын қайта жабдықтау;
• әлеуметтік желілердегі фейк аккаунттардың таралуы, анонимді арандатушыларды жүйелі түрде анықтау және кінәлілерді жауапкершілікке тарту қажеттілігі.
Қазіргі заманғы полиция тек әрекет етумен шектелмей, алдын алуға, ашықтыққа және қоғаммен тұрақты диалогқа бағытталуы тиіс екені атап өтілді.
Серік Байғалиев жүйелі шешімдердің, ашықтықтың және жауапкершіліктің бұлтартпастығының маңыздылығын атап өтіп, құқық қорғау органдары жұмысының сапасын арттыру бағытын қолдайтынын білдірді.
Өз кезегінде Абай облысы полиция департаментінің бастығы Мемлекет басшысы мен Қазақстан Республикасы Ішкі істер министрлігі қойған міндеттерге сай, конструктивті әрі нәтижелі өзара іс-қимылға дайын екенін растады.
