Маңғыстау облысы бойынша ҚАЖ қызметкерлері қарттар үйінде сенбілік ұйымдастырды, – деп хабарлайды Polisia.kz.
Іс-шара барысында қызметкерлер аула аумағын ретке келтіріп, қыс бойы жиналған қоқыстарды тазалады, құрғақ бұталарды жинап, айналаны көктем мезгіліне дайындады. Сенбілік жұмыстары ұйымшылдықпен және жоғары жауапкершілікпен атқарылды.
Бұл бастама – қыс мезгілінің аяқталуын айшықтап қана қоймай, көктеммен бірге келетін жаңару мен игі істердің жалғасын білдіреді. Сонымен қатар, мұндай шаралар әлеуметтік нысандарға қолдау көрсету мен үлкен буынға құрмет танытудың нақты көрінісі болып табылады.
Осындай ортақ еңбек ұжым мүшелерінің бірлігін нығайтып, өзара сыйластық пен ынтымақтастықты арттыра түседі. Қоршаған ортаға жанашырлықпен қарау – әр азаматтың парызы екенін ұғындыратын бұл игі іс алдағы уақытта да өз жалғасын тауып, игі дәстүрге айналары сөзсіз.
