Жетісу облысының бас полицейі тұрғындармен кездесті, — деп хабарлайды Polisia.kz.
Жетісу облысында құқық қорғау органдарының халық алдындағы ашықтығы мен есептілігін айқын көрсеткен маңызды кездесу өтті. Облыстың бас полицейі Сарқытбай Құсаинов тұрғындармен кеңейтілген кездесу өткізіп, 2025 жылдың және осы жылдың бірінші тоқсанының қорытындыларын баяндады.
Іс-шара Талдықорған қаласындағы Мәдениет үйінде ұйымдастырылып, кең ауқымды қатысушыларды біріктірді. Видеоконференцбайланыс режимінде Жетісу облысының аудандары қосылып, азаматтардың барынша қамтылуына және белсенді қатысуына мүмкіндік жасалды. Залда жергілікті тұрғындар, бұқаралық ақпарат құралдарының өкілдері, прокуратура қызметкерлері және қауіпсіздік пен құқықтық тәртіп мәселелеріне бейжай қарамайтын барлық мүдделі тұлғалар қатысты.
Кездесу ашық әрі мазмұнды өтті. Қатысушылар қоғамдық қауіпсіздікке қатысты күнделікті мәселелерден бастап жеке сипаттағы сұрақтарға дейін көтерді. Полиция департаментінің басшылығы әрбір өтінішке жан-жақты әрі дәйекті жауап берді. Қосымша зерделеуді талап ететін мәселелер белгіленіп, олар бойынша заңнамаға сәйкес жауап беру үшін бақылауға алынды.
Мұндай өзара іс-қимыл форматы — тек халық алдындағы есеп беру ғана емес, сонымен қатар азаматтардың пікірін ескеруге және құқықтық тәртіпті қамтамасыз етудің тиімді жүйесін қалыптастыруға мүмкіндік беретін нақты кері байланыс тетігі.
Полиция тек заңмен ғана емес, қоғам сенімімен де мықты. Диалог бар жерде – түсіністік бар, ал түсіністік бар жерде – қауіпсіздік бар.
Өткізілген кездесу Жетісу облысының полициясы халыққа барынша жақын екенін тағы бір мәрте көрсетті. Бұл — тек құқық бұзушылықтарға әрекет ететін орган ғана емес, сонымен қатар халықтың үнін естіп, олардың мәселелерін түсінуге ұмтылатын құрылым.
Ашықтық, диалогқа дайындық және қызмет сапасын үздіксіз арттыру – басты нәтижеге, яғни азаматтардың сеніміне алып келеді. Ал сенім – тұрақтылықтың, қауіпсіздіктің және ертеңгі күнге деген сенімділіктің негізі.
