Ақмола облысында полиция департаменті есірткімен байланысты құқық бұзушылықтардың алдын алу жөніндегі кеңес мүшелерімен бірлесіп, халық арасында, әсіресе жастардың арасында салауатты өмір салтын насихаттауға бағытталған есірткіге қарсы акция өткізді, - деп хабарлайды Polisia.kz.
Шараға спорт өкілдері, белсенді жастар, еріктілер және полиция қызметкерлері қатысып, жалпы саны 100-ден астам адамды қамтыды. Қатысушылар қатарында "Жастар рухы" жастар қанатының мүшелері, кикбоксинг федерациясының өкілдері, ЮНИСЕФ еріктілері, көпсалалы азаматтық қорғау колледжінің студенттері және өңір тұрғындары болды.
Акция есірткі құқық бұзушылықтарының алдын алу жөніндегі кеңес мүшесі Александр Герасимов жүргізген таңертеңгілік жаттығудан басталды. Одан кейін қатысушылар назарына тәрбиеленушілердің көрме қойылымдары ұсынылып, көрермендер тарапынан үлкен қызығушылық тудырды.
Жалғасында жедел қимылдайтын арнайы жасақ қызметкерлері өзін-өзі қорғау тәсілдері мен қауіпсіздік дағдыларының элементтерін көрсетті. Сонымен қатар спорттық эстафеталар, күш, ептілік және төзімділікке арналған жарыстар ұйымдастырылды.
Шараға қатысушылар арнайы сыйлықтармен — футболкалар және бейсболкалармен марапатталды.
Айта кету керек, акцияға тек жастар мен балалар ғана емес, олардың ата-аналары да белсенді қатысып, салауатты өмір салтын қалыптастыруда отбасылық қолдаудың маңызын көрсетті.
Өткізілген іс-шара спорт, белсенділік және жеке үлгі арқылы өскелең ұрпақтың есірткіге теріс көзқарасын қалыптастыруға және салауатты болашаққа ұмтылысын арттыруға бағытталған маңызды бастама болды.
