Жезқазғанда полиция талабына бағынбаған мас жүргізуші 35 тәулікке қамалды, — деп хабарлайды Polisia.kz.
Жезқазған қаласы Кеңгір селосында патрульдік полиция қызметкерлері мемлекеттік тіркеу нөмірі жоқ автокөлікті тоқтатуға әрекет жасады.
Алайда 20 жастағы жүргізуші тәртіп сақшыларының заңды талабына бағынбай, “із суытпақ” болған. Жедел уақытта ұсталған азаматты тексеру барысында оның алкогольдік масаң күйде болғаны, көлік басқару құқығының жоқтығы және бұл құқық бұзушылықты қайталап жасағаны анықталды.
Сот шешімімен құқық бұзушы 35 тәулікке әкімшілік қамаққа алынып, автокөлік арнайы айып тұрағына қойылды.
Полиция азаматтарға жол қозғалысы ережелерін қатаң сақтауды және мас күйде рөлге отырмауды ескертеді.
