Астанада қоршаған ортаға ұқыпты қарау мәдениетін қалыптастыру, тазалық пен тәртіпті сақтау және абаттандыру қағидаларының бұзылуына жол бермеу мақсатында "Таза Қазақстан" бағдарламасы аясындағы жұмыстар жалғасып жатыр, - деп хабарлайды Polisia.kz.
Жыл басынан бері қоғамдық орындарды ластағаны және абаттандыру талаптарын сақтамағаны үшін 37 мыңнан астам құқық бұзушы әкімшілік жауаптылыққа тартылды.
Полиция қызметкерлері өздеріне бекітілген аумақтарды тиісті деңгейде күтіп-ұстауды қамтамасыз етпейтін ұйымдарға да шара қолдануда. Мәселен, аумағын уақтылы тазаламаған құрылыс компаниясына қатысты Қазақстан Республикасының Әкімшілік құқық бұзушылық туралы кодексінің 505-бабының 1-бөлігі бойынша әкімшілік хаттама толтырылды.
Полиция абаттандыру қағидаларын сақтау барлық азаматтар, ұйымдар мен кәсіпкерлік субъектілері үшін міндетті талап екенін еске салады.
