Алматыда үш адам шағын дүкен сатушыларын электронды аударым түбіртектерін қолдан жасап алдап жүрген, – деп хабарлайды Polisia.kz.
Мұндай фактілер жылғыз емес.
– Күдіктілер – Б., К. және Р. есімді азаматтар. Қала мен облыс аумағында дүкен қызметкерлеріне қарсы алаяқтық жасады. Ер адамдар сауда жасау кезінде ақша аудару арқылы алдаудың жаңа тізбегін ойлап тапты деп айтуға болады. Ер адамдар тексеру үшін ең аз дегенде 100-ден 200 теңгеге дейін сауда жасайтын азық-түлік дүкендерін тапты. Осылайша, олар саудагердің немесе дүкен иесінің карточкалық шоты туралы жеке мәліметтерді алды, содан кейін олар фотошоп бағдарламасын пайдалана отырып, алдын-ала үлкен сомаға ақша аудару үшін электронды түбіртектердің скриншоттарын дайындады. Бұл қалай жүзеге асырылды. Бір жағдайда ер адамдар темекіні жалпы 170 мың теңгеге сатып алғысы келді. Сатушыға электронды ақша аударымымен төлегілері келетіндігін айтты. Шын мәнінде, оларда «салынған» түбіртек дайын болған, оны есептесу кезінде сатушыға көрсеткен. Ер адамдар фотошоп көмегімен түбіртекке қажетті соманы толтырды. Бір қарағанда, «өнерді» түпнұсқадан ажыратуға келмейді, – деді Наурызбай аудандық полиция басқармасының бастығы Дидар Аханов.
Тергеудің осы кезеңінде ұсталғандардың осыған ұқсас 30 қылмысқа қатысы бар екендігі анықталды. ҚР ҚК-нің 190-бабы бойынша сотқа дейінгі тергеу жүргізілуде.
